«Беларусь мая мілая!»

2 студзеня ў ГПД  2 «В»  класа прайшоў занятак, прысвечаны нашаму роднаму краю «Беларусь мая мілая!».  Занятак аб’яднаў дзяцей вакол самага важнага: любові да сваёй зямлі, яе традыцый і сімвалаў.

Дзеці наперабой разгадвалі беларускія загадкі, паказваючы сваю кемлівасць і веданне роднай прыроды. Разам мы разважалі над сэнсам народных прыказак. Вучні самі тлумачылі, чаму «Усюды добра, а дома лепш за ўсё» і як важна шанаваць свае карані. Дзеці з захапленнем малявалі, а пасля стварылі цудоўных буслоў — сімвалаў чысціні, міру і нашай краіны. Цяпер гэтыя белыя птушкі «прыляцелі» ў нашу групу, прыносячы ўтульнасць і радасць. Падчас гутаркі дзеці дзяліліся сваімі думкамі пра тое, чым славіцца Беларусь і чаму яна такая дарагая кожнаму з нас.

Гэта быў не проста занятак, а маленькае падарожжа ў свет дабрыні. Мы ўбачылі, як у дзіцячых сэрцах расце гонар за сваю «мілую Беларусь».