Гульня-экспедыцыя «Мая краіна — Беларусь»
17 сакавіка ў 2 «В», 2 «Г» і 2 «Д» класах адбылося пазакласнае мерапрыемства па беларускай мове «Гульня-экспедыцыя «Мая краіна — Беларусь». Мэтай мерапрыемства было ўзнавіць і абагульніць тыя веды, якія вучні атрымалі на ўроках беларускай мовы і літаратурнага чытання, а таксама развіццё цікавасці вучняў да новых ведаў аб Беларусі.
Перад тым, як дправіцца ў экспедыцыю па акіяне Мовы, дзеці падзяліліся на тры каманды, выбралі сабе назву, пазнаёміліся з журы.
У ходзе мерапрыемства вучні выконвалі розныя камандныя заданні: адказвалі на пытанні аб Беларусі, злучалі стрэлкамі пачатак прыказак з іх другой палавінай, адгадвалі загадкі, разгадвалі крыжаванку, узгадвалі святы, якія святкуюцца на Беларусі, перакладалі словы з русскай мовы на беларускую.
Таксама вучням былі прадстаўлены відэаролікі «Белавежская пушча», «Прырода і прыгажосць Беларусі», дзеці праслухоўвалі разнастайныя беларускія песні.
У канцы мерапрыемства журы падвяло вынікі і абвясціла пераможцаў гульні-экспедыцыі. Дзецям было прапанавана яшчэ мацней любіць і шанаваць сваю родную мову, паважаць сваіх продкаў і адзін аднаго, захоўваць традыцыі і звычаі свайго краю.
Завальская К.Г., Ільіна Н.М., Кавальчук В.В.
