Зямля пад белымі крыламі

21 кастрычніка вучні 4 «В» і 4 «Г» класаў адправіліся ў віртуальную вандроўку ў краіну «Зямля пад белымі крыламі».

Вучні загадзя грунтоўна падрыхтаваліся да падарожжа: хтосьці склаў крыжаванку для аднакласнікаў, а нехта знайшоў займальныя рэбусы. А ўсё для таго, каб вандроўка была цікавай, займальнай і змястоўнай.

Дзецям быў прапанаваны відэфільм пра Беларусь, створаны журналістамі АНТ. Матэрыял відэа здзіўляў і натхняў на рэальнае падарожжа па сваёй краіне. Напрыканцы пазнавальнай гадзіны, узрушаныя жаданнем пазнаваць сваю родную зямлю, вучні праінсцэніравалі сітуацыю «Тураператары запрашаюць».

У ходзе такой пазнавальна-займальнай гадзіны было вырашана дома разам з бацькамі прадумаць варыянты цікавых паездак па Беларусі.

Ведаць Беларусь — гэта значыць любіць Беларусь!

Класныя кіраўнікі: Т.В.Козырава, Л.В.Базылева.