“З мінулага ў будучыню”
23 студзеня ў чытальнай зале школьнай бібліятэкі для вучняў 5-6 класаў адбылася пазнавальная гадзіна “Беларуская мова: з мінулага ў будучыню”.
Выхаванне дзяцей павінна грунтавацца на роднай мове, роднай гісторыі, на родным фальклоры і літаратуры, на родных традыцыях. Беларуская мова для нас святая. Кожны чалавек павінен ведаць свае звычаі і абрады, умець спяваць народныя песні, умець танцаваць народныя танцы, ведаць прыказкі і прымаўкі свайго народа. На нашым мерапрыемстве вучні пазнаеміліся з такімі святамі: Вялікдзень, Купалле, Дзяды,Каляды, Масленка,Гуканне вясны, Спас і многія іншыя. Адкуль яны бяруць свой пачатак? Чаму беражліва захоўваюцца і святкуюцца з незапамятных часоў? Што азначалі шматлікія звычаі, вераванні, забароны ў жыцці нашых продкаў і якое дачыненне яны маюць да нас?
Для гэтага мерапрыемства таксама была падрыхтавана кніжная выстава, на якой былі яскрава прадстаўлены кнігі народнага фальклору, таксама фотаздымкі правядзення народных святаў беларусаў.
