Я люблю Магілёў
«Я люблю Магілёў!» — пад такой назвай прайшла канферэнцыя для вучняў 4 “В” і 4 “Г” класаў у чарговы беларускамоўны чацвер. Пазітыўнае, крэатыўнае, светлае і адкрытае — менавіта так апісалі б мы гэтае мерапрыемства.
У рамках канферэнцыі вучні ўзбагацілі свае веды цікавымі фактамі пра горад, пазнаёміліся з таямніцамі і цудамі магілёўскай зямлі, прыадкрылі заслону яе славутай гісторыі, традыцый, даведаліся, якіх знакамітых людзей яна ўзгадавала. Фіналам мерапрыемства стала падарожжа па вуліцах, плошчах і помніках горада.
Канферэнцыя атрымалася цікавай і пазнавальнай.