Вобраз жанчын у беларускай літаратуры

Жаночы вобраз у беларускай літаратуры мае адносна невялікую гісторыю. Стварэнне вобразаў жанчын звычайна звязваецца з літаратурай навейшага часу, і асабліва з тым перыядам яе развіцця, які прынята вызначаць як перыяд станаўлення беларускага рамана. Вобраз жанчыны вабіць і паэтаў, і празаікаў. Вялікую ролю надае жанчынам П. Панчанка ў сваім вершы «Белыя яблыні»,  П. Броўка ў невялікім па памеры і вядомым многім вершы «Пахне чабор…», апавяданне «Маці» Я. Брыля,    вобраз  Ганны ў творы I. Мележа «Палеская хроніка,  але ж самы яркі жаночы вобраз — вобраз Бандароўны з аднайменнай паэмы Янкі Купалы.

9 сакавіка ў адзіны беларускі чацвер для вучняў 7 класаў была аформлена выстава-прысвячэнне “Вобраз жанчын у беларускай літаратуры”, а таксама адбыўся час інфармавання прысвечаны вобразу жанчыны. Дзеці падрыхтавалі шмат звестак пра жанчын, якія ўнеслі вялікі ўклад у літаратурную спадчыну Беларусі і звярнулі ўвагу і на наш час.

Такім чынам, вобраз жанчыны ў беларускай літаратуры ёмісты і разнастайны. Кожны аўтар стварае пэўны ідэал жанчыны. Але ж агульным застаецца тое, што на гэты вобраз ускладзена вялікая і святая місія на зямлі, бо і сусвет ачарсцвее «без ласкі вялікай жаночай». Каб гэтага не здарылася, трэба зрабіць жанчыну шчаслівай. А шчасце для жанчыны — гэта быць заўсёды пачутай і патрэбнай блізкім людзям.

Загадчыца бібліятэкі С.Р. Калдыбаева, бібліятэкар Т.У. Канцэвіч