Сусветны дзень пісьменніка

3 сакавіка – Сусветны дзень пісьменніка. Адзначаць у гэты дзень прафесійнае свята пісьменнікаў было вырашана ў 1986 годзе падчас кангрэсу Міжнароднага ПЭН-клуба – міжнароднага аб’яднання пісьменнікаў.

З нагоды гэтага дня ў дзяржаўнай установе адукацыі “Сярэдняя школа №41г.Магілёва” прайшоў шэраг мерапрыемстваў пад назвай “Пісьменнікам-юбілярам прысвячаецца…”.

У школьнай бібліятэцы арганізавана кніжная выстава “Юбіляры – 2021”, на якой былі размешчаны кнігі-юбіляры і творы пісьменнікаў-юбіляраў.

Вучні сярэдніх класаў падрыхтавалі малюнкі па творах беларускай літаратуры, а вучні старэйшых класаў – газеты і прэзентацыі, прысвечаныя творчасці беларускіх пісьменнікаў-юбіляраў 2021 года.

У гэты дзень усе жадаючыя змаглі праверыць свае веды пра жыццё і дзейнасць беларускіх мастакоў слова, юбілеі якіх мы святкуем у гэтым годзе. На перапынках вучні прымалі актыўны ўдзел у літаратурнай віктарыне “Сцяжынкамі пісьменнікаў-юбіляраў”.

А закончыўся гэты святочны дзень флэшмобам “Мой любімы беларускі пісьменнік”.

Сардэчна віншуем усіх пісьменнікаў і аматараў літаратуры са святам, з Сусветным днём пісьменніка! Здароўя, плёну і натхнення ўсім!