Прайшоў тыдзень па вучэбных прадметах «Беларуская мова» і «Беларуская літаратура»
У апошнія часы актывізуецца пошук і шырокае выкарыстанне методык, якія дазваляюць значна павысіць эфектыўнасць вывучэння беларускай мовы і літаратуры і пазакласнай працы.
Тыдзень беларускай мовы і літаратуры з’яўляецца адной з форм пазакласнай працы. Ён праводзіцца, каб узмацніць матывацыю да вывучэння беларускай мовы і літаратуры, культурнай і гістарычнай спадчыны нашай краіны.
У 2020/2021 навучальным годзе тыдзень беларускай мовы і літаратуры ў нашай школе прайшоў з 22 па 26 лютага пад дэвізам “Грані слоў : ад А да Я”.
А пачаўся наш тыдзень так…
На пяць дзён школа ператварылася ў дзівосны беларускі карабель.Пачынаючы з фае школы паўсюль віравала беларускае слова і беларускі каларыт.
Першы дзень 22 лютага на ўваходзе ў школу вучні, апранутыя ў нацыянальныя касцюмы, віталі і раілі добрага дня сваім настаўнікам, сябрам і іх бацькам на беларускай мове, якія ў сваю чаргу таксама павінны былі павітацца і пажадаць усім усяго найлепшага на беларускай мове…
А таксама раілі прысутным пазнаёміцца з праграмай-анонсам на тыдзень ў якой прылялі ўдзел вучні 5-11 класаў уразілі сваёй разнастайнасцю тэматыкі і каляровым афармленнем.Тыя, што асабліва прыйшліся даспадобы, вучні размясцілі на дзвярах школьных кабінетаў .
Выстава газет»Сэрцам роднага слова краніся» ,якую арганізавалі вучні 7-9 класаў ,прысвячалася дню роднай мовы. Краналі да слёз красамоўныя выказванні майстроў беларускага слова.
Другі дзень 22 лютага прайшоў пад назвай » Віншуем Вас. Жадаем Вам.» У фае школы святочная віншавальная паштоўка сустракала былых і будучых абаронцаў Айчыны. Сардэчныя пажаданні мог пакінуць любы жадаючы.
На адкрыты ўрок беларускай літаратуры ў 7 клас запрасіў настаўнік Цітоў А.У. Змест апавядання Змітрака Бядулі «На Каляды к сыну» не пакінулі абыякавымі ні вучняў ,ні прысутных. Удумлівы роздум над тым ,што клопаты пра бацькоў -святы абавязак дзяцей, выхаванне любові да роднай зямлі , роднай мовы прайшлі праз усе віды работ, выкарыстаных на ўроку.
» Скарбонцы фальклорных свят» быў прысвечаны трэці дзень тыдня. У беларускую хату на свята » Уваходзіны» разам з вучнямі 5-х 10 класаў запрасіла настаўніца беларускай мовы і літаратуры Ушакова Т.А.
Галоўнай мэтай мерапрыемства было пашырыць веды аб гісторыка-культурнай спадчыне Беларусі, выхаваць пачуццё гонару і павагі да нацыянальных традыцый, звычаяў і культуры беларускага народа.
Аўчыннікава Л.В. запрасіла на ўрок беларускай літаратуры ў 9 клас.Максім Багдановіч.»Слова пра паэта»
Добразычлівая атмасфера, цікавыя заданні, наглядныя матэрыялы спрыялі прадуктыўнай працы вучняў.Гучалі палымяныя словы паэта, прысвечаныя роднай зямлі, роднай прыродзе ,свайму народу.
Чацвёрты дзень 25 лютага прайшоў пад назвай » Сцяжынкамі пісьменнікаў — юбіляраў».
Шараева І .В. разам з вучнямі 6,11 класаў правяла вусны часопіс » Чалавек шырокай душы і таленту»
Цікава і захапляльна прайшла гульня з вучнямі восьмых класаў «Чацвёрты лішні». Дух спаборніцтва спрыяў дасягненню добрых вынікаў.
Мерапрыемствы тыдня садзейнічалі развіццю інтэлектуальных магчымасцей вучняў, іх творчых здольнасцей, выхаванню любові і павагі да роднай мовы, падтрымлівалі цікавасць да яе вывучэння.
Пераможцы віктарыны – каманда “Беларусы”.
У канцы свята пераможцам разнастыйных конкурсаў былі ўручаны граматы.
