Літаратурнае падарожжа па творчасці Г. В. Марчука (75 год з дня нараджэння)

1 студзеня наш знакаміты земляк, які нарадзіўся ў Давыд-Гарадку Столінскага раёна, адзначыў сваё 75-годдзе.

13 студзеня ў школьнай бібліятэцы адбылося літаратурнае падарожжа, прысвечанае жыццю і творчай дзейнасці Георгія Васільевіча Марчука. У ходзе мерапрыемства  вучні 4 класаў даведаліся, што ён: аўтар 8 раманаў, 50 п’ес, кніг казак для дзяцей, кніг навел «Хаос», зборніка афарызмаў, сцэнарыяў фільмаў. Сярод яго твораў у малодшых школьнікаў асабістай папулярнасцю карыстаюцца казкі: “Дзікая груша”, “Несцерка”, “Чужое багацце”, “Пра дзеда і бабу”, і інш.

Георгій Марчук у сваіх творах здолеў сказаць сваё адметнае слова пра малую радзіму – беларускае Палессе, з яго самабытным укладам жыцця, адметнымі звычаямі і  традыцыямі. “Нібыта ўсё звычайнае, простае, знаёмае з дзяцінства, але добразычлівы свет яго казак прываблівае і захапляе, кранае глыбінныя пачуцці сэрца і душы. Яго казкі – найлепшыя лекі ад эгаізму, бяздушша, бяспамяцтва” (Р. Рыгачоў).

Вучні з цікавасцю і задавальненнем слухалі звесткі пра творчы шлях пісьменніка-юбіляра і мелі магчымасць  ўзяць з сабой казкі, якія ім спадабаліся.

С. Р. Калдыбаева, загадчыца бібліятэкі,

Т.В. Канцэвіч, бібліятэкар