“Калыска мая залатая”

11 лютага у бібліятэцы СШ № 41 адбылася гадзіна краязнаўства “Калыска мая залатая”, па жыццю і творчасці выдатнага беларускага паэта, празаіка, перакладчыка, крытыка і мовазнаўца — Міхася Пазнякова. Вучні 4 класаў даведаваліся, што ён нарадзіўся ў в. Заброддзе, на Быхаўшчыне. За сваё жыццё шмат дзе пабываў, сустракаўся з цікавымі людзьмі. Але ж самымі дарагімі яго сэрцу засталіся родныя мясціны і землякі. Бо няма нічога лепей, калі ў тваёй душы жыве любоў да свайго роднага мястэчка. Сваю шчырую, бясконцую любоў да Радзімы пісьменнік перадае ў сваіх творах. Яго вершы прысвечаны роднай вёсачцы, куды, як толькі зацвітае бэз і чаромха, ён прылятае “хоць на некалькі дзён штогод да яе на паклон”.

Мерапрыемства прайшло вельмі цікава і насычана. Дзеці даведаліся шмат новага пра беларускую мову, яе прыгажосць і багацце, слухалі вершы, адгадвалі загадкі, гулялі ў гульні.

Давайце не будзем губляць свае карані! Адкладзіце ўсе свае справы і тыя, у каго жывуць у вёсцы бабулі, спяшайцеся да іх, бо сумнымі вачыма пазіраюць яны на бальшак, чакаючы сваіх родных.

А на душу зноў кладуцца радкі з верша Міхася Пазнякова.

 Радзіма, малая радзіма –

А вёсачка ўсцяж нелюдзіма,

Асінай, хмызом зарастае

Калыска мая залатая…

Святлана Калдыбаева, загадчыца бібліятэкі, Алена Дабравольцава, бібліятэкар