Каб любіць Беларусь нашу мілую …

24 кастрычніка ў групе падоўжанага дня 2 «В» класа адбылося пазнавальнае мерапрыемства «Каб любіць Беларусь нашу мілую». Мэтай яго стала далейшае распаўсюджванне і папулярызацыя беларускай нацыянальнай гісторыі, культуры, традыцый і мовы праз цікавую гульнявую форму. Дзеці спаборнічалі ў веданні сімвалаў Беларусі, прыгадвалі прыказкі і прымаўкі аб Радзіме, успаміналі славутыя старонкі гісторыі беларусаў. Мерапрыемства спрыяла выхаванню пазнавальнай зацікаўленасці да традыцый беларускага народа, пачуцця павагі да роднай мовы.