Интэлектуальная гульня “Гавары са мной па-беларуску!”

У межах тыдня беларускай мовы і літаратуры “Спачатку Аз ды Букі», а потым іншыя навукі”, прысвечанага Міжнароднаму дню роднай мовы, прайшла інтэлектуальная гульня “Гавары са мной па-беларуску!”, удзельнікамі якой сталі вучні 7-8 класаў.

Гульня складалася з шасці тураў: “Смак беларускіх слоў”, “Перакладаем сказы”, “Сціпласць – сястра таленту”, “Скажы, як звяжы”, “Безэквівалентная лексіка”, “Музычны”.

Яна праходзіла ў вострай і напружанай барацьбе. Пытанні былі дастаткова складаныя, але тры каманды ўдзельнікаў працавалі вельмі дружна і актыўна.

Удзельнікі перакладалі рускамоўныя словазлучэнні з рускай мовы на беларускую адным словам, працягвалі беларускія прыказкі ў рыфму, выбіралі правільны варыянт тлумачэння лексічнага значэння слова, узгадвалі назвы прадметаў па-беларуску, успаміналі вершы беларускіх паэтаў, пакладзеныя на музыку.

Напрыканцы гульні былі падведзены яе вынікі, пасля чаго вучні прынялі ўдзел у акцыі “Маё любімае слова па-беларуску”.