Да 140-годдзя з дня нараджэння славутых песняроў

У 2022 годзе адзначаецца 140 год з дня нараджэння беларускіх пісьменнікаў Янкі Купалы і Якуба Коласа. На працягу года ва  ўсіх установах адукацыі краіны праходзяць урачыстыя мерапрыемствы па ўшанаванні славутых песняроў Беларусі. Не выключэннем стала і наша школа.

Традыцыйны дзень беларускага маўлення 3 лістапада 2022 года быў прысвечаны юбілейнай даце з дня нараджэння народнага паэта Беларусі Якуба Коласа – Канстанціна Міхайлавіча Міцкевіча – класіка беларускай літаратуры, добра вядомага не толькі ў нашай краіне, але і далёка за яе межамі.

Так, вучні 6-ых класаў былі запрошаны на літаратурную гадзіну “Чалавек вялікай душы і таленту”, прысвечаную Якубу Коласу.

 Пачалося мерапрыемства выразным чытаннем на памяць знакамітых вершаў паэта.

Падчас прэзентацыі “Жыццёвымі дарогамі Якуба Коласа” шасцікласнікі пазнаёміліся з некаторымі звесткамі аб жыцці і творчасці пісьменніка.

Актыўны ўдзел прынялі вучні ў віктарыне “Спяшайцеся з паэтам стрэцца”. За кожны правільны адказ яны атрымлівалі бал. Пераможцы віктарыны без падарункаў не засталіся. Дарэчы, падарунак – закладку з партрэтам юбіляра і яго афарызмамі – на памяць аб мерапрыемстве атрымаў кожны з прысутных.