Да 135 годдзя з дня нараджэння Алеся Гаруна

Ты спевам разбудзіў народ свой напрадвесні,
Якому на алтар свой дыямент прынёс…
Яшчэ акорд не змоўк тваёй прыгожай песні,
Хоць струны абарваў жыцця паганы лёс.

                                         Міхась Чарот

11 сакавіка у школьнай бібліятэцы для вучняў 8 класаў прайшло літаратурнае падарожжа па творчасці паэта, празаіка, драматурга, публіцыста, грамадзянскага дзеяча Алеся Гаруна (сапр. Імя Прушынскі Аляксандр Уладзіміравіч). Нарадзіўся 11 сакавіка 1887 у фальварку Новы Двор пад Мінскам. Памер 20 жніўня 1920 у Кракаве. Пахаваны на Ракавіцкіх могілках.

У друку дэбютаваў вершам “Маці-Беларусі” ў 1907 г. (“Наша ніва”). Выступаў з публікацыямі вершаў і апавяданняў у газетах “Наша ніва”, “Беларус”, “Вольная Беларусь”. У 1918 г. выйшаў зборнік “Матчын дар”. У 1920 г. – зборнік п’ес для дзяцей “Жывыя казкі”.

Вучні адкрылі для сябе незнаёмыя дагэтуль цікавыя звесткі яго біяграфіі і творчасці. Разам з супрацоўнікамі бібліятэкі усе разам чыталі яго вершы. Гэта дазволіла вучням не толькі упэўніцца у валоданні роднай мовай, але і адчуць сябе сапраунымі беларусамі.

Загадчыца бібліятэкі С.Р. Калдыбаева

Бібліятэкар Т.В. Канцэвіч