Беларускія народныя казкі — скарбніца народнай мудрасці

Казка — найбольш яркі і захапляльны па сваім змесце і паэтычным афармленні жанр вуснай народнай творчасці.

У казках закладзена жыццёвая мудрасць, трансліруюцца духоўныя якасці і каштоўнасці.

Выхаванцы групы падоўжанага дня 1 класа сталі ўдзельнікамі гульні, прысвечанай беларускім народным казкам. У ходзе гульні дзеці адгадвалі назвы казак, узгадвалі імёны казачных герояў, збіралі пазлы, разыгралі тэатральную пастаноўку беларускай народнай казкі «Як кот звяроў напалохаў».

Дзякуючы казцы дзеці пазнаюць свет не толькі розумам, але і сэрцам. На яркіх літаратурных прыкладах з дапамогай гумару дзіця хутчэй вылечваецца ад ляноты, упартасці і эгаізму. Народная мудрасць і вопыт, закладзеныя ў казках, дапамагаюць выхоўваць у дзяцей дабрыню, шчырасць, любоў да роднай зямлі.