«Беларусь мая сінявокая»

Неба чыстае і глыбокае
I бярозавы ціхі гай —
Беларусь мая сінявокая,
Беларусь мая, родны край.

Ул. Карызна

14 красавіка ў школьнай бібіліятэцы прайшла прэзентацыя “Беларусь мая сінявокая” для вучняў 3 класаў.

Сінявокая Беларусь, край лясных казак, блакітных азёр, срэбрыстых рэк. На тэрыторыі рэспублікі — 10 780 тыс. азёр і 20,8 тыс. рэк, гэта — яе “блакітныя вочы”. Асабліва шмат азёр на поўначы — у Беларускім Паазерʼе, нямаля іх і на поўдні, на  Палессі.

Дзеці пазнаёміліся з буйнейшымі рэкамі і азёрамі Беларусі, даведаліся для чаго яны патрэбны, адкуль пайшлі іх назвы, захапіліся прыгажосцю роднай прыроды.

Напрыканцы мерапрыемства вучні адказвалі на пытанні віктарыны і замацавалі свае веды ў гэтай галіне. Сустрэча атрымалася пазнавальнай і пакінула станоўчыя эмоцыі ў душы кожнага прысутнага.

Загадчыца бібліятэкі С.Р. Калдыбаева,
бібліятэкар Т.У. Канцэвіч