Адзіны дзень беларускай мовы 25.10.2018
25 кастрычніка на базе школьнай бібліятэкі прайшла акцыя “Гаварым па-беларуску” для вучняў малодшага ўзросту. Перш за ўсё была аформлена выстава “Беларускія пісьменнікі дзецям”.
На працягу дня бібліятэкары імкнуліся далучыць наведвальнікаў бібліятэкі да беларускай паэзіі і прозы, разам пачытаць і паслухаць як прыгожа гучыць роднае слова са старонак кніг М. Чарняўскага, В. Гурскага, М. Зарэмбы, В. Гапеева, В. Праўдзіна, М. Місько, Л. Пранчанкi. Таксама былі праведзены гучныя чытанні кніг М. Лынькова “Хата на калёсах”, Г.Марчука “Дзікая груша”, У. Лiпскага “Пралескі ў небе”, а потым іх обмеркаванне.
Для вучняў быў праведзен конкурс на лепшага чытальніка вершаў.
Як дапаўненне да мерапрыемства бібліятэкары ўключылі спіс літаратуры беларускіх аўтараў на беларускай мове для вучняў малодшага школьнага ўзросту. З цікавымі вершамі і апавяданнямі В. Іпатавай , І. Галькевіча, А. Бадака чытачоў пазнаёміла гадзіна рэкламы “Увесь карагод часопісаў” , у час якой дзецям прапанавалася перагарнуць старонкі такіх вядомых выданняў, як часопісы “Бярозка”, “Вясёлка”, “Лесавік” і г.д.
