23 студзеня ў групах падоўжанага дня вучні 2 «Б» і 2 «Д» класаў сталі ўдзельнікамі гульні-падарожжа «Мая Радзіма — Беларусь»
Вучні з захапленнем падарожнічалі па станцыях: «Дзяржава і яе сімвалы», «Зямля Беларусі — краіна герояў», «Культурная спадчына», «Каменны летапіс», «У свеце народных традыцый», «Крок у будучыню».
На працягу занятку вучні расказвалі пра тое, што яны ведаюць аб сваёй краіне, спаборнічалі ў веданні сімвалаў Беларусі, успаміналі славутыя старонкі гісторыі беларусаў, пазнаёміліся з творамі беларускіх пісьменнікаў пра Радзіму.
Мерапрыемства накіравана на фарміраванне ў вучняў патрыятызму, пачуцця любові да Радзімы, павагі да гістарычнага мінулага сваёй краіны. Без мінулага не бывае будучага, таму кожная падзея павінна быць на ўвазе!
Выхавацель ГПД Шамаценка Таццяна Міхайлаўна.
